常见问题

大部分租约签两年，最常见系「一年死约、一年生约」：头 12 个月唔可以提早退租，之后任何一方按租约写明嘅通知期（通常一至两个月）就可以提早终止。想签短啲或者长啲都可以同业主倾。

先定好预算同心水地区，同我哋睇楼，拣中就经我哋向业主出价倾条件。倾妥之后签租约、俾按金同上期、打厘印。到起租日交收锁匙就可以入伙。

市场惯例系业主同租客各自俾半个月租金，签咗租约先收。金额会喺开始之前写入地产代理协议。

一般要护照或香港身份证、有效嘅香港签证（工作、受养人或学生签证），同入息证明，例如雇佣合约或最近粮单。如果啱啱嚟港，雇主嘅聘书通常都得，话我哋知，我哋会同业主解释。

外交条款（Diplomatic Clause）容许租客因为雇主调职离开香港而提早退租。一般要住满头 12 个月先生效，要俾通知期同调职证明。唔系每个业主都肯加，所以签约前要讲清楚，我哋可以帮你同业主倾。

大约准备三至四个月租金：按金（通常两个月租，有啲业主接受一个月，约满无损坏会退还）、上期一个月租、租约印花税（你𠮶一半）同佣金。想计某个盘要准备几多，可以用我哋嘅计数机。

好多时都可以。有几多位倾，视乎单位吉咗几耐、淡季旺季，同埋你喺起租日同租约条款有几弹性。我哋知道同一座大厦近期实际租出价钱，会老实话你出几多价合理。

一般要自己俾水、电、煤、上网，同埋你𠮶一半租约印花税。管理费、差饷、地租通常由业主俾，但记住要问清楚，有啲盘系「不包」嘅。我哋网站每个盘都写明包唔包。

要睇两样嘢：大厦公契（有啲大厦唔准养狗或者有限制）同业主本身。一开始话我哋知你有咩宠物，我哋净系带你睇准养嘅单位，之后记得喺租约写明。

业主接受你个价之后，签临时买卖合约同俾细订；之后律师准备正式买卖合约（通常大约两星期后签，再俾大订），同时查契；最后成交（一般一至三个月内）俾余数、攞锁匙。

首期（银行唔借嘅部分）、印花税、律师费、佣金同装修费。银行借几多，视乎楼价、你嘅入息同埋用唔用按揭保险。我哋嘅计数机可以帮你估算，亦可以介绍按揭专家俾你。

印花税由政府订立，税率会不时调整，最新税阶请以税务局公布为准。我哋嘅计数机按公布税阶帮你估算任何楼价要俾几多。

可以。「连租约出售」即系连现有租约一齐买，成交即刻有租收，但要等租约完先可以自住。记得要求睇租约，核对租金、到期日同按金（成交时会转俾你）。

WhatsApp 6726 9696，话我哋地址同传几张相。我哋会老实话你大约租到或者卖到几多，之后帮你影相、写介绍、安排睇楼。放盘唔收费。

租出或者卖出先收。佣金会喺开始之前同你倾好，并按香港法例写入地产代理协议，唔会有意外收费。

唔使。好多业主会留锁匙俾我哋，每次睇楼都有同事陪同。你亦可以拣自己在场，或者指定方便嘅时间。