香港優質物業，一站租售。

大部分租約簽兩年，最常見係「一年死約、一年生約」：頭 12 個月唔可以提早退租，之後任何一方按租約寫明嘅通知期（通常一至兩個月）就可以提早終止。想簽短啲或者長啲都可以同業主傾。

先定好預算同心水地區，同我哋睇樓，揀中就經我哋向業主出價傾條件。傾妥之後簽租約、俾按金同上期、打釐印。到起租日交收鎖匙就可以入伙。

市場慣例係業主同租客各自俾半個月租金，簽咗租約先收。金額會喺開始之前寫入地產代理協議。

一般要護照或香港身份證、有效嘅香港簽證（工作、受養人或學生簽證），同入息證明，例如僱傭合約或最近糧單。如果啱啱嚟港，僱主嘅聘書通常都得，話我哋知，我哋會同業主解釋。

外交條款（Diplomatic Clause）容許租客因為僱主調職離開香港而提早退租。一般要住滿頭 12 個月先生效，要俾通知期同調職證明。唔係每個業主都肯加，所以簽約前要講清楚，我哋可以幫你同業主傾。

大約準備三至四個月租金：按金（通常兩個月租，有啲業主接受一個月，約滿無損壞會退還）、上期一個月租、租約印花稅（你嗰一半）同佣金。想計某個盤要準備幾多，可以用我哋嘅計數機。

好多時都可以。有幾多位傾，視乎單位吉咗幾耐、淡季旺季，同埋你喺起租日同租約條款有幾彈性。我哋知道同一座大廈近期實際租出價錢，會老實話你出幾多價合理。

一般要自己俾水、電、煤、上網，同埋你嗰一半租約印花稅。管理費、差餉、地租通常由業主俾，但記住要問清楚，有啲盤係「不包」嘅。我哋網站每個盤都寫明包唔包。

要睇兩樣嘢：大廈公契（有啲大廈唔准養狗或者有限制）同業主本身。一開始話我哋知你有咩寵物，我哋淨係帶你睇准養嘅單位，之後記得喺租約寫明。